395 Öz wepat bolmagyna sebäp bolan kesel bilen kesellände, Allahyň Resulynyň (s.a.w.) aýak üstüne galyp, otagynyň tutusyny galdyrybrak, metjitde sahabalarynyň namaz okaşlaryny synlap ýylgyryşy
عَنْ أَنَسِ بْنِ مالِكٍ رَضِي الله عَنْهُ: أَنَّ أََبَا بَكْرٍ رَضِي الله عَنْهُ كانَ يُصَلِّي لَهُمْ فِي وَجَعِ النَّبِيِّ صَلَّى الله عَلَيْهِ وسَلَّمَ الَّذِي تُوُفِّيَ فِيهِ ، حَتَّى إذَا كَانَ يَوْمُ الإثْنَيْنِ ، وَهُمْ صُفُوفٌ في الصَّلاةِ ، فَكَشَفَ النَّبِيُّ صَلَّى الله عَلَيْهِ وسَلَّمَ سِتْرَ الحُجْرَةِ ، يَنْظُرُ إلَيْنَا وَهُوَ قَائِمٌ ، كَأَنَّ وَجْهَهُ وَرَقَةُ مُصْحَفٍ ، ثُمَّ تَبَسَّمَ يَضْحَكُ ، فَهَمَمْنَا أَنْ نَفْتَتِنَ مِنَ الْفَرَحِ برُؤْيََةِ النَّبِي صَلَّى الله عَلَيْهِ وسَلَّمَ ، فَنَكَصَ أَبُو بَكْرٍ رَضِي الله عَنْهُ على عَقِبَيْهِ لِيَصِلَ الصَّفَّ ، وَظَنَّ أَنَّ النَّبِيَّ صَلَّى الله عَلَيْهِ وسَلَّمَ خارجٌ إلى الصَّلاةِ ، فَأشَارَ إلَيْنَا النَّبِيُّ صَلَّى الله عَلَيْهِ وسَلَّمَ أنْ (أَتِمُّوا صَلاتَكُمْ). وَأَرْخَى السِّتْرَ ، فَتُوُفِّي مِنْ يَوْمِهِ.
Enes ibn Mälik1(r.a.) şeýle diýipdir: «Allahyň Resulynyň (s.a.w.) öz ölümine sebäp bolan kesel bilen kesellän döwründe,bize Ebu Bekr (r.a.) namaz okadardy. Ýekşenbe gününde ertir namazyny okamak üçin sap baglap duran wagtymyz, Allahyň Resuly (s.a.w.) öz hüjresiniň tutusyny galdyryp, bizi synlamaga başlady. Ol dik durdy we parlak didary Mushabyň (Kuranyň) sahypalary ýaly nur saçýardy. Soňra ol ýylgyrybrak güldi2. Allahyň Resulyny (s.a.w.) görýändigimize begenmekden ýaňa,namazymyzyň bozulmagyna az galýardy. Ebu Bekr (r.a.) Allahyň Resuly (s.a.w.) namaza çykjakmyka öýdüp, birinji hatara geçmek üçin yza süýşmäge başlady. Onýança Allahyň Resuly (s.a.w.) bize namazymyzy tamamlamagy yşarat edip, tutyny aşak inderdi. Ine, şol gün onuň mübärek ruhy jennete tarap uçup gitdi»3.
1Bu hadysyň rowaýatçysy Zühri şu ýerde: «Allahyň Resulynyň (s.a.w.) ýanyndan asla aýrylmadyk, oňa hyzmat eden we howandar bolanadam» diýip, Enese häsiýetnama beripdir.
2Allahyň Resulynyň (s.a.w.) ýylgyryp, begenmekden ýaňa ýüzüniň ýagtylmagy ymmatynyň namaza ýygnanyp, bir agza bakmaklaryndan,gözel şerigatyna amal etmeklerinden lezzet almagy bilen baglanyşyklydy.
3Buharynyň kitabynda Enesiň (r.a.) adyndan beýan edilen şeýle manydaky başga bir hadys hem bar. Onda Allahyň Resulynyň (s.a.w.) üç gün namaza çykmandygy aýdylýar. Ýene şu hadysda: «Namaza kamat getirildi. Ebu Bekr öňe çykyp, mihraba geçdi. Allahyň Resuly (s.a.w.) şeýdip, mübärek eli bilen tutyny göterdi we onuň päk keşbi peýda boldy. Şol wagt Allahyň Resulynyň (s.a.w.) bize tarap gönügen parlak didaryndan hoş, gözel bir görnüşe öň gözümiz düşmändi. Allahyň Resuly (s.a.w.) Ebu Bekre (r.a.) öňe geçmegi mübärek elleri bilen yşarat edip, tutyny ýapdy. Ine, şondan soň, tä wepat bolýança, onuň kämil jemalyny bir gezek hem görmek miýesser bolmady»diýilýär.
Şu hadysy-şerif Ebu Bekriň (r.a.), Allahyň Resulynyň (s.a.w.) aradan çykan wagtyna çenli, namaz okalanda oňa orunbasarlyk edendigini görkezmek bilen bir hatarda, onuň ymamlykdanhem çetleşdirilmändigine şaýatlyk edýär. Şu ertir namazy Allahyň Resulynyň (s.a.w.) mübärek ruhunyň jennete göterilmezinden öňki namazlaryň iň soňkusydyr. Kiçi ymamlyk bolsa, uly ymamlygyň bir delilidir (149, 292, 293, 387, 394, 397-nji hadyslara-da seret).