179 Uhut söweşinde Allahyň Resulynyň (s.a.w.) ýaralanmagy
عن سَهْلَ بْنَ سَعْدٍ السَّاعِدِيَّ رَضِيَ الله عَنْهُ: أنه َسَأَلَهُ النَّاسُ:بِأَيِّ شَيْءٍ دُووِيَ جُرْحُ النَّبِيِّ صَلَّى اللَّهُ عَلَيْهِ وَسَلَّمَ ؟ فَقَالَ: مَا بَقِيَ أَحَدٌ أَعْلَمُ بِهِ مِنِّي ، كَانَ عَلِيٌّ يَجِيءُ بِتُرْسِهِ فِيهِ مَاءٌ ، وَفَاطِمَةُ تَغْسِلُ عَنْ وَجْهِهِ الدَّمَ ، فَأُخِذَ حَصِيرٌ فَأُحْرِقَ فَحُشِيَ بِهِ جُرْحُهُ.
Sehl ibn Sagt Sagyt Ensaryň1 (r.a.): «Allahyň Resulynyň (s.a.w.) ýarasy näme bilen bejerildi?» diýen soraga: «Ony menden gowy bilen adam galmady. Aly ibn Ebutalyp (r.a.) galkany bilen suw daşaýardy. Patma-da (r.a.) Allahyň Resulynyň (s.a.w.) ýüzündäki gany ýuwýardy. Soňra bir köne esgi bölegi alnyp ýakyldy we ýarasy şonuň küli bilen dolduryldy»2 diýip jogap berendigi rowaýat edilýär.
1Bu adam Medinede iň soňuna galan sahabadyr. Ol takmynan ýüz ýaşap, hijriniň 91-nji ýylynda ýogalypdyr.
2Allahyň Resulynyň (s.a.w.) päk ýüzi Uhut söweşinde gana boýalypdy. Süheýliniň ynanjyna görä, oňa ýara salan Abdullah ibn Kamyýa diýen näkesdi. Melgun kapyr Allahyň Resulynyň (s.a.w.) ýüzüne ýara salmak bilen birlikde, dişine-de zyýan ýetiripdi. Bir tarapda Ebu Huzaýfa (r.a.) onuň ganynyň ýuwlup hem ýere düşmegine garşy bolup elewrese, beýle tarapda hezreti Muhammet (s.a.w.): «Pygamberlerine şeýle daran kowum nädip halas bolar?»diýýärdi. Şondan soňra: «Allahü tagala olara azap berse-de ýa-da tobalaryny kabul etse-de, saňa agram saljak bir zat ýok» aýaty-kerimesi inipdi. Hezreti Patma ganyň diňmän, suw ýaly bolup akýandygyny görüp, bir köne esgi bölegini ýakyp, külüni ýaranyň üstüne sepeninden soň, gan durupdy.