141 Allahyň Resulynyň (s.a.w.) gije ybadaty
عن عَبْدَ اللَّهِ بْنَ عَبَّاسٍ رضي الله عنهما أَنَّهُ بَاتَ لَيْلَةً عِنْدَ مَيْمُونَةَ زَوْجِ النَّبِيِّ صَلَّى اللَّهُ عَلَيْهِ وَسَلَّمَ ، وَهِيَ خَالَتُهُ فَاضْطَجَعْتُ فِي عَرْضِ الْوِسَادَةِ وَاضْطَجَعَ رَسُولُ اللَّهِ صَلَّى اللَّهُ عَلَيْهِ وَسَلَّمَ وَأَهْلُهُ فِي طُولِهَا ، فَنَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ حَتَّى إِذَا انْتَصَفَ اللَّيْلُ أَوْ قَبْلَهُ بِقَلِيلٍ أَوْ بَعْدَهُ بِقَلِيلٍ اسْتَيْقَظَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَجَلَسَ يَمْسَحُ النَّوْمَ عَنْ وَجْهِهِ بِيَدِهِ ثُمَّ قَرَأَ الْعَشْرَ الآيَاتِ الْخَوَاتِمَ مِنْ سُورَةِ آلِ عِمْرَانَ ثُمَّ قَامَ إِلَى شَنٍّ مُعَلَّقَةٍ فَتَوَضَّأَ مِنْهَا فَأَحْسَنَ وُضُوءَهُ ، ثُمَّ قَامَ يُصلى ، قَالَ ابْنُ عَبَّاسٍ : فَقُمْتُ فَصَنَعْتُ مِثْلَ مَا صَنَعَ ، ثُمَّ ذَهَبْتُ فَقُمْتُ إِلَى جَنْبِهِ ، فَوَضَعَ يَدَهُ الْيُمْنَى عَلَى رَأْسِي ، وَأَخَذَ بِأُذُنِي الْيُمْنَى يَفْتِلُهَا ، فَصَلَّى رَكْعَتَيْنِ ، ثُمَّ رَكْعَتَيْنِ ، ثُمَّ رَكْعَتَيْنِ ، ثُمَّ رَكْعَتَيْنِ ، ثُمَّ رَكْعَتَيْنِ ، ثُمَّ رَكْعَتَيْنِ ، ثُمَّ أَوْتَرَ ثُمَّ اضْطَجَعَ حَتَّى أَتَاهُ الْمُؤَذِّنُ ، فَقَامَ فَصَلَّى رَكْعَتَيْنِ خَفِيفَتَيْنِ ، ثُمَّ خَرَجَ فَصَلَّى الصُّبْحَ.
Abdullah ibn Apbasyň (r.a.) gürrüň bermegine görä, ol bir gije Allahyň Resulynyň (s.a.w.) nikaly aýallarynyň biri bolan daýzasy Meýmüwnäniň (r.a.) öýüne myhman bolupdyr. Şol güni ýatlap, Ibn Apbas (r.a.) şeýle diýipdir: «Men başymy ýassyga goýup süýndüm. Allahyň Resuly (s.a.w.) bilen ýanýoldaşy-da ýassyga başlaryny goýdular. Allahyň Resuly (s.a.w.) uka gitdi. Gijäniň ýary bolanda ýa-da biraz wagt şondan öň ýa soň,ol oýandy. Ukudan açylmak üçin eli bilen ýüzüni sylmaga başlady. Soňra «Ali-Ymran» süresiniň soňky on aýatyny okady1.Soňra ýerinden turup, asylgy duran kiçiräk meşige elini uzatdy. Ondaky suwdan bolmalysy ýaly edip, täret aldy. Soňra namaza durdy. Men hem ýerimden turdum. Onuň edişi ýaly etdim. Soňra onuň ýanyna baryp, çep gapdalynda durdum. Ol sag elini kellämiň üstüne goýdy-da, sag tarapky gulagymy tutup burdy2.Soňra iki rekagat, ýene iki rekagat, ýene iki rekagat, ýene iki rekagat, ýene iki rekagat, ýene iki rekagat namaz okap, şondan soňra ýeke rekagatly bir namaz okady3.Soňra azançy azana gygyrýança ýene süýndi. Soňra ýene ýerinden galkdy, ýeňiljek iki rekagat namaz okap, Mukaddes Hüjresinden çykyp, ertir namazyny okatdy».
Bu hadysy-şerif öň hem gabat gelipdi4.Ýöne olaryň her birinde, beýlekisinde bolmadyk maglumatlar bar.
1Bu süräniň: إِنَّ فِي خَلْقِ السَّمَاوَاتِ وَالْأَرْض(«Inne fiý halkyssemäwäti wel-arzy»)aýatyndan başlap, soňuna çenli. Mundan täret almazdan, ýatdan Kuran okap boljagy aňlanylýar.
2Pygamberiň (s.a.w.) şeýdip, Ibn Apbasyň gulagyny burmagy,ýeke özi ymama uýan adamyň onuň sag tarapynda durmagynyň ýerliklidigini duýdurdygydy.
3Bu ýeke rekagat namaz bir rekagatmyka ýa-da üç rekagatly namazyň bir rekagatymyka?Bu ýerde aýdylanlardan ol aýdyň bolmaýar. Şonuň üçin witir namazyny kim bir niýet bilen üç rekat edip, kim ikinji rekatdan soňra salam bermek bilen üç rekat edip, kim diňe bir rekat edip okaýar.
498-nji hadysa seret.